फेशन शोमा नायिकाले लगाइन् कन्डमको पहिरन

भारतमै पहिलो पटक ‘कन्डम फेशन शो’को आयोजना गरिएको छ । एउटा चर्चित कन्डम उत्पादन कम्पनीले आयोजना गरेको फेशन शोमा थुप्रै चर्चित मोडलहरु सहभागी थिए ।

उनीहरुले कन्डमबाट तयार भएका पहिरन लगाएका थिए । उक्त फेशन शोमा बलिउड नायिका तथा मोडल मुग्धा गोड्से शो स्टपरको रुपमा सहभागी भएकी थिइन् ।

उनले लगाएको पहिरन पनि कन्डमबाट डिजाइन गरिएको थियो । एचआइभी एड्सका बारेमा मानिसलाई जानकारी गराउन यो फेशन शोको आयोजना गरिएको हो ।

नायिका गोड्सेले कन्डमबाट तयार भएको पहिरन लगाउँन पाउँदा खुशी लागेको बताउँदै यसले सन्देश दिने खुलाइन् ।